پاکستان اسٹاک ایکسچینج میں تاریخ میں پہلی بار فعال اکاؤنٹس کی تعداد ریکارڈ سطح پر پہنچ گئی۔

نیشنل کلیئرنگ کمپنی آف پاکستان کے ڈیٹا کے مطابق پاکستان اسٹاک ایکسچیبج میں فعال اکاؤنٹس کی تعداد 4 لاکھ 11 ہزار 284 ہوگئی ہے۔

رپورٹ میں بتایا گیا کہ پاکستان اسٹاک ایکسچینج میں ٹریڈنگ اکاؤنٹس کی تعداد جولائی 24میں 3 لاکھ 65 ہزار 684 تھی، جبکہ اگست کے مہینے میں اسٹاک ایکسچینج میں 9 ہزار 8 نئےاکاؤنٹس کھلنے سے تعداد 3 لاکھ 74 ہزار 163 ہوگئی۔

یہ بھی پڑھیں: پاکستان اسٹاک ایکسچینج میں ایک اور تاریخ ساز دن، 1 لاکھ57 ہزار کی سطح عبور

کارپوریٹ کمپنیوں کے اکاؤنٹس کی تعداد بڑھ کر 1 ہزار 945 ہوگئی، جبکہ فنڈز اکاؤنٹس کے نمبرز 1 ہزار 360 رہے، اسی طرح غیرملکی انفرادی سرمایہ کاروں نے 367 اکاؤنٹس کھولے، 47 اکاؤنٹس بند ہوئےاور507آر ڈی اے منتقل ہوئے۔

این سی سی پی ایل رپورٹ کے مطابق غیر ملکی سرمایہ کاروں کے اکاؤنٹس کی کُل تعداد 17 ہزار 199 ہوگئی ، اسی طرح روشن ڈیجیٹل اکاؤنٹس میں 336 نئے اکاؤنٹس کھلنے اور   507 اکاؤنٹس منتقل ہونے سے تعداد بڑھ کر16  ہزار 422 ہوگئی۔