سیکیورٹی فورسز  نے مغل کوٹ سیکٹر بنوں، خیبر پختونخوا میں کامیاب انٹیلی جنس بیسڈ آپریشن  کیا جس میں 2 خوارج دہشت گرد جہنم واصل کر دیے گئے۔ 

سیکیورٹی ذرائع  کے مطابق کامیاب انٹیلی جنس بیسڈ آپریشن میں فتنہ الخوارج کے طارق کچھی گروپ کی تشکیل کو مؤثر انداز میں نشانہ بنایا گیا، کارروائی کے دوران فتنہ الخوارج کا  سرغنہ طارق کچھی اور حکیم اللہ عرف ٹائیگر کو جہنم واصل کردیا گیا، ہلاک  دہشت گردوں سے بھاری اسلحہ بھی برآمد ہوا۔

یہ بھی پڑھیں: سیکیورٹی فورسز نے فتنہ الخوارج کی بارود سے بھری گاڑی تباہ کردی

ذرائع کا کہنا ہے کہ خارجی طارق کچھی کی  تشکیل پچھلے 2 سال سے دہشت گردانہ کارروائیوں میں متحرک تھی، اس کے علاوہ فتنہ الخوارج طالبان  کے لیے بھتہ خوری میں بھی ملوث تھی۔

سیکیورٹی ذرائع کے مطابق خوارج طارق کچھی دہشت گردوں کی افغانستان سے پاکستان میں دراندازی  کے لیے سہولت کار تھا۔