2 لاکھ 30 ہزار مربع میل پر محیط پاکستان کے معدنی ذخائر انتہائی معیاری ہیں، یہ برطانیہ کے رقبے سے بھی دگنے ہیں۔ امریکی جرہدہ پاکستانی معدنی ذخائر کی عالمی اہمیت کا معترف ہوگیا۔

فارن پالیسی پاکستان کی رپورٹ کے مطابق معدنی شعبے میں بین الاقوامی سرمایہ کاری سے پاکستان کو معاشی اور سماجی فوائد حاصل ہوں گے۔

جریدے نے مزید روشنی ڈالی کہ پاکستان نے اپنے وسائل کے موثر استعمال کویقینی بنانے کے لیے قومی معدنی پالیسی 2025 متعارف کرائی ہے۔

اس پالیسی کا مقصد صوبوں کے دیہی علاقوں میں بنیادی ڈھانچے کی ترقی، روزگار کے مواقع اور سماجی ترقی کو فروغ دے کر اس کے فوائد خاص طور پر بلوچستان کے لوگوں تک پہنچانا ہے۔

اس میں یہ بھی بتایا گیا کہ بلوچستان سے گریجویٹس کوریکوڈک پروگرام کے تحت پیشہ ورانہ تربیت کے لیے بیرون ملک بھیجا گیا،جو مقامی مہارت کو فروغ دینے کے لیے پاکستان کے عزم کی عکاسی کرتا ہے۔

جریدے کے مطابق خارجہ پالیسی نے اس بات پر زور دیا کہ ان معدنی ذخائر کا موثر استعمال سماجی اور اقتصادی ترقی کی نئی راہیں کھول سکتا ہے۔

جس سے پاکستان کو قدرتی وسائل کے پائیدار استعمال کے ذریعے طویل مدتی ترقی اور خود کفالت حاصل کرنے میں مدد ملے گی۔

جریدے کے مطابق پاکستان کا کان کنی کا شعبہ نمایاں ترقی کے لیے تیار ہے –