شہر قائد موسم تبدیل ہوتے ہی دن میں گرمی، تاہم صبح و رات  کے اوقات میں خنکی بڑھنے لگی ہے۔

محکمہ موسمیات کے مطابق کراچی میں دن کے وقت چلچلاتی دھوپ کے ساتھ موسم گرم و خشک رہنے کا امکان ہے، جبکہ سمندری ہوائیں بند ہیں، اور مشرق سے خشک ہوائیں چل رہی ہیں۔

یہ بھی پڑھیں: کیا رواں سال ’انتہائی سرد‘ موسم ہوگا؟ محکمہ موسمیات نے حقیقت بتادی

شہر قائد میں آج کم سے کم درجہ حرارت 24.5 ڈگری سینٹی گریڈ کیا گیا، جبکہ ہوا میں نمی کا تناسب 31 فیصد ہے۔

کراچی میں موجودہ درجہ حرارت 27 ڈگری سینٹی گریڈ ریکارڈ کیا گیا، جبکہ آج زیادہ سے زیادہ درجہ حرارت 38 ڈگری سینٹی گریڈ تک رہنے کا امکان ہے۔

محکمہ موسمیات کا کہنا ہے کہ آئندہ ہفتے تک شہر میں بارش کا کوئی امکان نہیں ہے۔