اسحاق ڈار کے پولینڈ ، سعودیہ ، مراکش اور دبئی کے نائب وزرائے اعظم کو فون ، دو طرفہ تعاون بڑھانے پر بات چیت کی۔

پاک پولینڈ نائب وزائے اعظم  کے درمیان وفود کی سطح پرمذاکرات ہوئے ۔ ترجمان دفتر خارجہ نے کہا ہے کہ دونوں ممالک نے دوطرفہ تعلقات ، مختلف  شعبوں میں تعاون بڑھانے پر اتفاق  کیا ۔

دونوں ممالک کے درمیان مفاہمتی یادداشتوں پر دستخط بھی  ہوئے۔ پولینڈ کے نائب وزیراعظم نے علاقائی امن و استحکام  کیلئے پاکستان کاکردارسراہا ۔

ترجمان دفتر خارجہ کے مطابق نائب وزیراعظم اسحاق ڈار  نے یواے ای کے نائب وزیراعظم سے ٹیلیفونک رابطہ کیا۔ نائب وزیراعظم کا سعودی عرب کے وزیرخارجہ سے بھی ٹیلیفونک رابطہ ہوا۔

اسحاق ڈار کومراکش کے وزیرخارجہ نے فون کیا ۔ ترجمان دفترخارجہ کا کہناتھاکہ  رابطوں میں علاقائی وعالمی پیشرفت،باہمی دلچسپی کےامورپرتبادلہ خیال ہوا۔

ترجمان دفتر خارجہ کا کہناتھاکہ  پاکستان افغانستان کے ساتھ مذاکرات میں قطر کے کردارکو سراہتاہے۔  افغانستان دوحہ مذاکرات میں کیے گئے  وعدوں پرعملدرآمد  کرے۔

دوحہ مذاکرات کےتحت افغانستان کی صورتحال پرنظر رکھے ہوئے ہیں۔ ترجمان کاکہناتھاکہ پاکستان مغربی کنارےکےانضمام کےاسرائیلی منصوبےکی مذمت کرتا ہے۔

ان کا کہنا تھاکہ اسرائیلی پارلیمنٹ کی متنازع قانون سازی عالمی قوانین کی صریحاًخلاف ورزی ہے۔  انہوں نے کہاکہ پاکستان آزاداورخودمختارفلسطینی ریاست کےقیام کی حمایت جاری رکھے گا۔