کراچی پولیس اور جامعہ کراچی  میں تعاون کو مزید فروغ دیا جائے گا ۔ ایڈیشنل آئی جی کراچی جاوید عالم اوڈھو نے تعلیمی و تحقیقی سرگرمیوں میں کرمنالوجی ڈیپارٹمنٹ کے کردار کو سراہاہے۔

انہوں نے کہاکہ جدید تحقیق اورعملی تربیت وہ بنیاد ہے جس کے ذریعے کرمنالوجی کے طلبہ مستقبل میں جرائم کی تفتیش اور تحقیق میں مؤثر کردار ادا کر سکتے ہیں۔

ایڈیشنل آئی جی کراچی جاوید عالم اوڈھو نے ڈی آئی جی انویسٹیگیشن کے ہمراہ جامعہ کراچی کے ڈیپارٹمنٹ آف کرمنالوجی کے زیرِ اہتمام منعقدہ پروجیکٹ فیئر 2025 میں شرکت کی۔

اس موقع پر انہوں نے خواہش ظاہر کی کہ طلبہ کو عملی تربیت کے بہتر مواقع فراہم ہوں تاکہ پولیس کو سائنسی بنیادوں پر تحقیق کا فائدہ حاصل ہو۔

اس موقع پر پروفیسر ڈاکٹر نعیمہ سعید،پروفیسر ڈاکٹر غلام محمد ، ڈاکٹر الطاف،  ڈاکٹر زاہد ، ڈاکٹر روزی علی سمیت دیگر فیکلٹی ممبران اور طلبہ و طالبات سے ملاقات کی۔

پولیس چیف نے کرمنالوجی سے متعلق مختلف شعبہ جات کا معائنہ کیا ، جہاں طلبہ و طالبات نے جرائم شناسی کے موضوعات پر اپنے تحقیقی اور تخلیقی منصوبے پیش کیے۔