ترقی نہ ملنے کی وجہ سے ڈپریشن کا شکار سینئر پولیس افسر نے خودکشی کرلی۔ اسلام آباد میں تعینات  عدیل اکبر کا تعلق ضلع گجرات سے تھا۔

عدیل اکبر کا تعلق پولیس سروس آف پاکستان کے 46ویں کامن سے تھا۔ وہ  سی ایس ایس میں اپنے بیچ کے ٹاپر تھے۔

عدیل اکبر کو گزشتہ روز ڈینگی بھی رپورٹ ہوا تھا۔ ڈینگی کے باوجود عدیل اکبر ہمہ وقت ڈیوٹی پر موجود رے ۔ ان کی ترقی نہ ملنے کی وجہ سے بھی شدید ڈپریشن کا شکار تھے۔

ذرائع کا کہناہے کہ عدیل اکبر کے تمام بیچ میٹ گزشتہ سال ایس پی کے عہدے پر پروموٹ ہوگئے تھے۔ ان   کی آئندہ بورڈ تک ترقی کو ملتوی کیا گیا تھا۔

اے ایس پی عدیل اکبر اسلام آباد پولیس میں بطور ایس پی آئی نائن تعینات تھے۔ وہ ایک سالہ ننھی بیٹی کے والد تھے۔

ڈی ائی جی اسلام اباد، ڈپٹی کمشنر اسلام آباد،ایس ایس پی انویسٹیگیشن راولپنڈی، ایس ایس پی سکیورٹی اسلام آبادپمزاسپتال پہنچ گئے۔

آئی جی اسلام آباد کی جانب سے خودکشی کے واقعے کی تحقیقات کا حکم دے دیا گیا ہے۔

واضح رہے کہ ایس پی آئی نائن عدیل اکبر شدید زخمی حالت میں اسپتال منتقل کیا گیا تھا۔عدیل اکبر ہسپتال میں دوران علاج دم توڑ گئے۔

3 رکنی تحقیقاتی کمیٹی قائم

ایس پی آئی نائن عدیل اکبر کی  خودکشی کے معاملہ پر3 رکنی  تحقیقاتی کمیٹی بنا دی گئی  ہے۔  کمیٹی میں ڈی آئی جی ہیڈ کوارٹر، ڈی آئی جی سیکیورٹی او ڈی آئی جی اسلام آباد شامل ہوں گے۔

کمیٹی واقع کی تمام پہلو سے تحقیقات کرے گی ، عزیز و اقارب اور قریبی ساتھیوں سے سے بھی رابطہ کرے گی۔

کمیٹی عدیل اکبر کے ساتھ تعینات آپریٹر، ڈرائیور اور گن مین سے بھی تحقیقات کرے گی۔ عدیل اکبر کی فون کالز کے ریکارڈ کی بھی چھان بین کی جائے گی۔

تحقیقات کے بعد رپورٹ وزیر داخلہ محسن نقوی کو ارسال کی جائے گی ۔ پوسٹ مارٹم میں ایس پی عدیل اکبر کو ایک گولی لگنے کی تصدیق ہوگئی ہے۔

ایس پی عدیل اکبر کو گولی سامنے کی جانب سے لگی۔ عدیل اکبر کو لگنے والی گولی کھوپڑی کی عقب سے باہر نکل گئی۔

گولی سے ایس پی عدیل اکبر کا دماغ شدید متاثر ہوا ہے۔ ایس پی عدیل اکبر کی موت دماغ متاثر ہونے سے ہوئی۔

نمازہ جنازہ پولیس لائنز میں ادا، وزیر مملکت داخلہ ودیگر پولیس افسران کی شرکت

ایس پی عدیل اکبر کی نماز جنازہ پولیس لائنز میں ادا کردی گئی۔  عدیل اکبر کا جسد خاکی سرکاری اعزاز کے ساتھ آبائی علاقے روانہ کردیاگیا۔

وزیر مملکت داخلہ، پولیس و دیگر اداروں کے افسران و اہلکاروں نے نماز جنازہ میں شرکت کی۔