ہالی ووڈ کے معروف اداکار ٹام کروز اور کیوبن نژاد اداکارہ آنا دے آرمس کے درمیان تقریباً نو ماہ تک جاری رہنے والا رومانوی تعلق اختتام پذیر ہوگیا ہے۔

63 سالہ ٹام کروز اور 37 سالہ آنا دے آرمس نے اپنے تعلقات کی کبھی باضابطہ تصدیق نہیں کی، تاہم رواں سال کے آغاز میں دونوں کو سابق فٹبالر ڈیوڈ بیکہم کی پچاسویں سالگرہ کی تقریب میں ایک ساتھ دیکھا گیا تھا، جس کے بعد ان کی قریبی دوستی خبروں کی زینت بنی۔

برطانوی میڈیا کے مطابق دونوں کے درمیان حالیہ ہفتوں میں فاصلے بڑھ گئے ہیں اور اب انہوں نے ڈیٹنگ کا سلسلہ ختم کرنے کا فیصلہ کیا ہے۔

 ذرائع کا کہنا ہے کہ ٹام اور آنا نے ایک دوسرے کے ساتھ خوشگوار وقت گزارا لیکن اب انہوں نے علیحدگی اختیار کرلی ہے، تاہم دونوں دوستانہ تعلق برقرار رکھیں گے، تاہم یہ جوڑا اکثر آنا دے آرمس کے ورمونٹ میں واقع 7 ملین ڈالر کے گھر پر ایک ساتھ دیکھا جاتا تھا۔

 دلچسپ بات یہ ہے کہ آنا دے آرمس کو ٹام کروز کی آنے والی فلم میں کاسٹ کیا گیا ہے، جہاں دونوں پیشہ ورانہ طور پر ایک ساتھ کام کریں گے، اگرچہ ذاتی طور پر انہوں نے الگ راستے اختیار کر لیے ہیں۔

یاد رہے کہ ٹام کروز اس سے قبل تین شادیاں کرچکے ہیں، جن میں میمی راجرز، نکول کڈمین اور کیٹی ہومز شامل ہیں۔