نیتن یاہو نے امن معاہدے کو روند ڈالا ، عالمی برادری فوری نوٹس لے ۔ علامہ طاہراشرفی نے کہاہے کہ امن معاہدے کا ضامن امریکا اور اسلامی ممالک ہیں۔

انہوں نے کہاکہ دنیا غزہ امن معاہدے پر خوشی کا اظہار کر رہی تھی،مگر اسرائیل نے  معاہدے کی دھجیاں بکھیر دیں ۔

چیئرمین علما کونسل پاکستان نے اسرائیلی جارحیت اور بدمعاشی پر سخت ردعمل ظاہر کیاہے۔ انہوں نے کہاکہ غزہ میں2  روز کے دوران 100 سے زائد فلسطینی شہید کیے جاچکے۔

ان  کا کہناتھاکہ افسوس کی بات ہے اسرائیل کسی بھی معاہدے کی پاسداری نہیں کررہا۔ انہوں نے کہاکہ اسرائیل نے مسلسل غزہ امن معاہدے کی خلاف ورزی کررہاہے۔

علامہ طاہر اشرفی نے امریکی صدر اورمسلم قائدین سے مطالب کیاکہ اسرائیلی بربریت کے خلاف فوری اقدامات کیے جائیں۔