سیکیورٹی فورسز کے ذرائع نے تصدیق کی ہے ارگن خوست میں 17-18 اکتوبر 2025 کی رات ٹی ٹی پی کے دہشت گرد حافظ گل بہادر سمیت اس کے شوریٰ کے کئی ارکان  کو فضائی حملوں میں ہلاک کر دیا گیا، اور انہیں اسی رات خفیہ طور پر دفن بھی کر دیا گیا۔

ٹی ٹی پی کے دہشت گرد حافظ گل بہادر  کی ہلاکت پاکستان کے خلاف دہشت گرد نیٹ ورکس کے لیے ایک بڑا دھچکا ہے۔

واضح رہے کہ 17/18 اکتوبر کی رات پاکستان نے حافظ گل بہادر گروپ کے خوارجی کیمپوں پر حملہ کیا جو شمالی اور جنوبی وزیرستان کے سرحدی علاقوں میں افغانستان کے اندر واقع تھے۔
افغانستان سے سرگرم خوارجیوں نے پاکستان کے اندر متعدد دہشت گردانہ حملے کرنے کی کوشش کی، جنہیں سیکیورٹی فورسز نے مؤثر طریقے سے ناکام بنایا۔

یہ بھی پڑھیں: پاکستان کا ٹی ٹی پی اور مجید بریگیڈ کی دہشتگردی کیخلاف عالمی اقدام کا مطالبہ

سیکیورٹی فورسز کی جانب سے حافظ گل بہادر گروپ کے خوارجیوں کے خلاف نشانہ لگا کر کارروائیاں کی گئیں، جن کا مقصد گل بہادر گروپ کی قیادت کو نشانہ بنانا تھا۔ ان فضائی حملوں میں کم از کم 60-70 خوارجی اور ان کی قیادت کو انتہائی درست معلومات کی بنیاد پر جہنم واصل کیا گیا۔