دنیا کے تمام براعظموں کی بلند ترین چوٹیاں سرکرنے والا پاکستانی کوہ پیما۔ پاکستانی کوہ پیما اسد علی میمن نے ایک تاریخی سنگ میل عبور کرلیا۔

انہوں نے سیون سمٹس چیلنج مکمل کیا جو دنیا کے چند ہی خوش نصیب اور باہمت کوہ پیماؤں کو حاصل ہوسکا۔

اسد علی میمن نے 6 سالہ عالمی مہم جوئی کے سفر کااختتام انڈونیشیا کی خطرناک اور بلند پہاڑی چوٹی پونچک جایا کو سر کر کے کیا۔

انہوں نے اپنی فتوحات کے سفر کاآغاز  2019 میں یورپ کی بلند ترین چوٹی ماؤنٹ البروس سے کیا ۔

وہ جنوبی امریکا میں اکونکاگوا، افریقہ میں کلیمنجارو، شمالی امریکا میں ڈینالی، انٹارکٹکا میں وِنسن میسیف اور ایشیا کی سب سے بلند اور دنیا کی عظیم ترین چوٹی ماؤنٹ ایورسٹ سرکرچکے۔

اسد علی میمن نے 2023 میں ایشیا اور دنیا کی بلند ترین چوٹی ماؤنٹ ایورسٹ کو سر کیا تھا۔

واضح رہے کہ انہوں نے رواں سال کے آغاز میں نے یہ کارنامہ نہ صرف ملک کا نام روشن کرنے کا باعث بنا ہے بلکہ یہ نوجوان پاکستانیوں کے لیے ایک مثالی تحریک بھی ہے۔