کراچی میں پانی کا بدترین بحران ، شہریوں کی زندگی اجیرن ہو گئی۔ وسطی ، شرقی اور ملیر کے اضلاع مکمل اور جزوی طور پر متاثر ہیں ۔

پانی کا بحران جامعہ کراچی کے قریب مین لائن پھٹنے سے پیدا ہوا۔  سخی حسن ، نیپا اور صفورہ ہائیڈرینٹس  بھی بند ہوگئے۔

وسطی، شرقی اور ملیر کے مکینوں کے لئے ٹینکر سروس بھی بند ہے۔  فیڈرل بی ایریا، ناظم آباد، نارتھ ناظم آباد ، نارتھ کراچی، عزیز آباد، لیاقت آباد سمیت متعدد علاقے پانی کی بوند بوند کو ترس چکے ہیں ۔

گلشن اقبال اور ملیر کے متعدد علاقوں میں پانی کی شدید قلت ہے ۔  پانی کی مین لائنیں تواتر سے  پھٹنے کی وجہ سے شہر میں پانی کا نظام درہم برہم  ہو چکا ہے۔

شہریوں نے اپیل کی ہے کہ پانی کی مین لائنوں پھٹنے کے واقعات کی تحقیقات ہونی چاہیے۔  موسم سرما میں لائنیں پھٹنے کے واقعات میں اضافے کا خدشہ ہے۔

دوسری جانب ترجمان واٹر بورڈ کارپوریشن کا کہناہے  کہ لائن کی مرمت ہوگئی ہے، آئندہ 24  گھنٹوں میں صورتحال بہتر ہو جائے گی ۔