معاشی محاذ پر اہم کامیابیاں حاصل، مہنگائی کی شرح سنگل ڈیجٹ پر آچکی ہے، وزیرخزانہ

وفاقی وزیر خزانہ محمد اورنگزیب نے کہا ہے کہ پاکستان نے معاشی محاذ پر اہم کامیابیاں حاصل کی ہیں، مہنگائی کی شرح سنگل ڈیجٹ پر آچکی ہے۔
وزیرخزانہ محمد اورنگزیب نے چینی میڈیا کو انٹرویودیتے ہوئے کہا کہ معاشی استحکام، ذخائر میں بہتری، افراط زر، پالیسی ریٹ میں کمی ہوئی، موجودہ زرمبادلہ ذخائر ڈھائی ماہ کی درآمدات کے لیے کافی ہیں۔
انہوں نے کہا کہ معاشی کامیابیوں کو عالمی سطح پر بھی سراہا گیا، 3 بڑی بین الاقوامی ریٹنگ ایجنسیز نے پاکستان کریڈٹ ریٹنگ میں بہتری کی۔
وفاقی وزیر کا کہنا تھا کہ گزشتہ مالی سال میں جی ڈی پی میں 3 فیصد اضافہ ہوا، پرامید ہیں رواں مالی سال 3.5 فیصدشرح نمو حاصل کرلیں گے۔
محمد اورنگزیب نے مزید کہا کہ چین پاکستان اقتصادی راہداری کے دوسرے مرحلے میں پیشرفت ہوئی ہے جبکہ حال ہی میں بیجنگ میں 24 مشترکہ منصوبوں پر دستخط ہوئے، سرمایہ کاری کے نئے مواقع بھی زیر غور ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News