پاکستان اسٹاک ایکسچینج میں ریکارڈ بننے کا سلسلہ جاری ہے اور آج ٹریڈنگ کے دوران 100 انڈیکس بیک وقت  3 نفیساتی حد عبور کرگیا۔

پاکستان اسٹاک مارکیٹ میں آج دن کے آغاز سے ہی زبردست تیزی کا رجحان رہا اور کاروبار کے دوران 1.72 فیصد اضافے سے انڈیکس  میں 2849 پوائنٹس کا اضافہ ہوا، جس کے بعد 100 انڈیکس 168,489  پوائنٹس کی تاریخی سطح پر بند ہوا، تاہم آج کاروبارکے دوران انڈیکس کی بلند سطح 168,619 پوائنٹس رہی۔

یہ بھی پڑھیں: وزیراعظم کا پاکستان اسٹاک ایکسچینج کی تاریخی سطح عبور کرنے پر اظہار مسرت

آج مارکیٹ میں 16کھرب روپے مالیت کے 37 کروڑ حصص کے سودے ہوئے، کمرشل بینکس، ریفائنری اور آئل اینڈ مارکیٹنگ کمپنیوں میں زبردست خریداری دیکھنے میں آئی۔

مارکیٹ میں آج مجموعی طور پر 489 کمپنیوں میں شیئرز کا کاروبار ہوا، 239  کمپنیوں کے حصص کی قیمتوں میں اضافہ اور227 میں کمی ہوئی۔

واضح رہے کہ گزشتہ روز انڈیکس 165,640 پوائنٹس پر بند ہوا تھا۔

ماہرین کا کہنا ہے کہ مقامی سرمایہ کاروں کی ایکوٹیز مارکیٹ میں بھرپور سرمایہ کاری نے تیزی کو فروغ دیا۔