اسلام آباد: عالمی مالیاتی فنڈ (آئی ایم ایف) کے ساتھ فیڈرل بورڈ آف ریونیو (ایف بی آر) ٹیکس ہدف میں 150 ارب روپے تک کی کمی پر اتفاق ہوگیا ہے۔

ذرائع ایف بی آر کے مطابق ٹیکس 14 ہزار 131 ارب روپے سے کم ہو کر نظڑثانی شدہ ہدف 13 ہزار 981 ارب روپے کر دیا گیا۔

ذرائع نے بتایا ہے کہ ٹیکس ہدف میں مزید کمی کیلئے سیلاب کے باعث نقصانات پر عالمی سطح کی تصدیق شدہ رپورٹ طلب کرلی گئی ہے۔

ایف بی آر کے ذرائع کا کہنا ہے کہ جی ڈی پی گروتھ 3.5 فیصد اور ٹیکس بلحاظ جی ڈی پی 11 فیصد حاصل کرنا ہو گا جبکہ رواں مالی سال جی ڈی پی 1 لاکھ 29 ہزار ارب روپے کے ہدف پر بھی نہیں پہنچ سکے گی۔

ذرائع نے مزید بتایا کہ نئے ایم ای ایف پی ڈرافٹ میں میکرواکنامک فریم میں تبدیلی پر بھی آئی ایم ایف سے اتفاق ہوگیا ہے، تاہم 1.2 بلین ڈالر کی قسط ملنے پر نئی کنٹری رپورٹ میں تمام بینچ مارک شامل ہوں گے۔