شہر قائد میں آج بھی سمندری ہوائیں معطل ہونے کی وجہ سے حبس کی کیفیت برقرار ہے، تاہم شام میں ہلکی بارش کے امکان ہے۔

موسمیاتی تجزیہ کار کا کہنا ہے کہ کراچی میں ہوا کے کم دباؤ کی وجہ سے آج سمندری ہوائیں معطل رہیں گی، جس کے باعث موسم گرم خشک اور مرطوب رہنے کا امکان ہے۔

یہ بھی پڑھیں: کراچی، بارش نے موسم خوشگوار بنا دیا، خلیج کیمبے کا سسٹم سائیکلون کی شکل اختیار کرنے کا خدشہ

محکمہ موسمیات کے مطابق شہر قائد کا موجودہ درجہ حرارت 28 ڈگری سینٹی گریڈ ریکارڈ کیا گیا ہے، آج زیادہ نمی کی وجہ سے درجہ حرارت 34 سے 36 ڈگری سینٹی گریڈ تک جا سکتا ہے، تاہم شہر میں گرمی کی شدت 40 ڈگری سینٹی گریڈ سے زائد محسوس کی جاسکتی ہے۔

کراچی میں اس وقت ہوائیں صرف 10کلو میٹر فی گھنٹہ کی رفتار سے چل رہی ہیں، جبکہ شہر میں ہوا نمی کا تناسب83 فیصد ریکارڈ کیا گیا ہے۔