آئی ایم ایف اور پاکستان کے درمیان  اقتصادی جائزہ مذاکرات ،عالمی مالیاتی ادارے نے  بعض امور مکمل نہ ہونے پر عدم اطمینان کا اظہار کردیا۔

مشن نے قوانین میں اصلاحات پر تاخیر بارے معاشی ٹیم سے وضاحت طلب کر لی۔ ذرائع کے مطابق  میمورنڈم آف اکنامک اینڈ فنانشل پالیسیز کے اہم اہداف نامکمل ہیں۔

دس اداروں کے قوانین میں جون تک ترامیم پر ہدف  تاحال نامکمل ہے۔ پورٹ قاسم اتھارٹی ایکٹ اور گوادر پورٹ آرڈیننس میں ترمیم مکمل نہ ہو سکی۔

ذرائع کا کہناہے کہ کے پی ٹی ایکٹ 1980 پر قانون سازی بھی تاخیر کا شکار ہے۔ پاکستان ٹیلی کام ری آرگنائزیشن ایکٹ میں ترمیم کا مسودہ شیئر نہیں ہوسکا۔

اسٹیٹ لائف انشورنس نیشنلائزیشن آرڈر تاحال زیر غور ہے۔واپڈا ایکٹ،پاکستان ریلوے ایکٹ 1890 بارے اہداف پر مشاورت جاری ہے۔

ایگزم بینک ایکٹ کا مسودہ تیار مگر منظور نہیں ہو سکا۔نیشنل بینک ایکٹ میں ترمیم ایس ڈبلیو ایف ایکٹ سے مشروط ہے۔

ذرائع کا کہناہے کہ پاکستان اور آئی ایم ایف کے درمیان ری فنانسنگ اسکیمز پر بھی تفصیلی مذاکرات ہوئے۔ آئی ایم ایف مشن نے ںرآمدات اور تجارتی فنانسنگ کو مضبوط بنانے پر ذوردیا۔

کریڈٹ فلو بہتر بنانے کیلئے اقدامات جاری ہیں۔ ترجیحی شعبوں کو سہولت دینے بارے حکومت نے یقین دہانی کروا دی۔

ذرائع کے مطابق ایگزم بینک کو جلد فعال کرنے پر بھی تفصیلی  بریفنگ دی گئی۔