کیڈٹ کالج وانا میں موجود تمام طلبہ اور اساتذہ کو بحفاظت ریسکیو کرلیا گیا

وانا: کیڈٹ کالج وانا میں سیکیورٹی فورسز نے ریسکیو آپریشن کے دوران تمام طلبہ اور اساتذہ کو بحفاظت ریسکیو کرلیا ہے۔
کیڈٹ کالج وانا میں خودکش حملے کے بعد سیکیورٹی فورسز کی جانب سے ریسکیو آپریشن تیزی سے جاری ہے جس کے تازہ ترین ویڈیو مناظر بھی منظرِ عام پر آئے۔
فوٹیج میں دیکھا جا سکتا ہے کہ سیکیورٹی اہلکار نہایت بہادری اور احتیاط کے ساتھ طلبہ کو محفوظ مقامات پر منتقل کررہے ہیں۔
سیکیورٹی ذرائع کے مطابق تمام طلبہ اور اساتذہ کو بحفاظت ریسکیو کرلیا گیا ہے تاہم سیکیورٹی فورسز کا آپریشن انتہائی حکمتِ عملی اور احتیاط کے ساتھ جاری ہے تاکہ کسی بھی قسم کے جانی نقصان سے بچا جاسکے۔
آئی جی فرنٹیئر کور خیبرپختونخوا ساؤتھ خود آپریشن کی نگرانی کررہے ہیں جب کہ اب آپریشن کو جامع طریقے سے حتمی انجام کو پہنچایا جائے گا-
ذرائع کا کہنا ہے کہ آخری خوارج کو جہنم واصل کرنے تک سیکورٹی آپریشن جاری رہے گا، تمام طلبہ اور اساتذہ کے حوصلے بلند ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News

