پاکستان اپنے اصولی موقف پر ڈٹ گیا، استنبول مذاکرات میں ڈیڈلاک برقرار۔ وزیر اطلاعات و نشریات عطااللہ تارڑ نے مذاکرات کی تفصیلات سے آگاہ کردیا۔

انہوں نے کہا ہے کہ پاکستان اور افغانستان کے درمیان استنبول میں جاری مذاکرات میں ڈیڈلاک تاحال قائم ہے۔ عطااللہ تارڑ نے مذاکرات میں ثالثی کے کردار پر ترکیہ اور قطر کا شکریہ ادا کیا۔

ان کا کہناتھاکہ  پاکستان اپنے اصولی مؤقف پر قائم ہے کہ افغانستان کی سرزمین سے ہونے والی دہشت گردی پر قابو پانے کی ذمہ داری افغانستان پر عائد ہوتی ہے۔

عطااللہ تارڑ نے کہا کہ افغان طالبان دوحہ امن معاہدے 2021 کے مطابق اپنے بین الاقوامی، علاقائی اور دوطرفہ وعدوں کی تکمیل میں اب تک ناکام رہا ہے ۔

ان کا کہناتھاکہ پاکستان اس بات کا اعادہ کرتا ہے کہ وہ افغان عوام سے خیر سگالی کا جذبہ رکھتا ہے اور ان کے لیے ایک پر امن مستقبل کا خواہش مند ہے۔

وزیر اطلاعات و نشریات نے کہاکہ  پاکستان طالبان حکومت کے ایسے اقدامات کی حمایت نہیں کرے گا جو افغان عوام یا پڑوسی ممالک کے مفاد میں نہ ہوں

ان کا کہناتھاکہ  پاکستان اپنے عوام اور خودمختاری کے تحفظ کے لیے تمام ضروری اقدامات جاری رکھے گا۔