وزیراعظم شہباز شریف آذربائیجان کے یوم فتح کی پانچویں سالگرہ کی تقریب میں شرکت کے لئے آذربائیجان کے دارالحکومت باکو کے لئے روانہ ہوگئے۔

آذربائیجان کے صدر عزت مآب الہام علیوف کی دعوت پر وزیراعظم محمد شہباز شریف باکو کے لئے روانہ ہوئے، وفاقی وزیر اطلاعات و نشریات عطاء اللہ تارڑ بھی وزیر اعظم کے ہمراہ ہیں۔

وزیراعظم محمد شہباز شریف آذرںائیجان کے صدر عزت مآب الہام علیوف کی دعوت پر آذربائیجان کے یوم فتح کی پانچویں سالگرہ کی تقریب میں شرکت کے لیے آذربائیجان کے دارلحکومت باکو کے لیے روانہ ہوگئے، وفاقی وزیر اطلاعات و نشریات عطاء اللہ تارڑ بھی وزیر اعظم کے ہمراہ ہیں۔

یہ بھی پڑھیں: آذربائیجان کا پاکستان اور ترکیہ کے ساتھ اپنے تعلقات کو مزید مستحکم کرنے کا عہد

دورے کے وزیراعظم کی آذربائیجان کے صدر عزت مآب الہام علیوف سے ملاقات کریں گے،بات چیت میں دو طرفہ تعلقات کے تمام پہلوؤں کا جائزہ لینے اور تجارت اور سرمایہ کاری، توانائی، دفاع، تعلیم اور علاقائی رابطوں سمیت متنوع شعبوں میں تعاون کو مزید گہرا کرنے کے لیے نئی راہوں کی نشاندہی پر توجہ مرکوز کی جائے گی۔

 پاکستان اور آذربائیجان کے درمیان دیرینہ برادرانہ تعلقات ہیں جن کی جڑیں مشترکہ عقیدے، تاریخ، ثقافت اور باہمی اعتماد سے جڑی ہیں، دونوں ممالک علاقائی اور بین الاقوامی فورمز بشمول اسلامی تعاون کی تنظیم (OIC)، اقتصادی تعاون تنظیم (ECO)، اور اقوام متحدہ (UN)۔م پر بھی قریبی تعاون کو برقرار رکھتے ہیں۔

 وزیراعظم کا دورہ،  آذربائیجان کی خودمختاری اور علاقائی سالمیت کے لیے پاکستان کی ثابت قدم حمایت اور دونوں برادر ممالک کے درمیان اسٹریٹجک شراکت داری کو مزید آگے بڑھانے کے عزم کا اعادہ ہے۔