سڈنی بونڈی بیچ فائرنگ کے واقعے کے بعد پاکستان کو بدنام کرنے کی ایک منظم سازش سامنے آ گئی، جس میں بھارتی میڈیا اور سوشل میڈیا کے کچھ عناصر نے جھوٹی تصاویر اور من گھڑت مواد کے ذریعے پاکستان پر الزام تراشی کی۔
یہ پروپیگنڈا نہ صرف حقیقت کے منافی تھا بلکہ انسانیت دشمن بھی ثابت ہوا۔ سوشل میڈیا پر وائرل ہونے والی ویڈیوز اور جھوٹے الزامات نے حقیقی انسانی قربانی اور بہادری کی کہانی کو نظرانداز کر دیا۔
پاکستان کو نشانہ بنانے کی یہ منظم سازش عالمی سطح پر پھیلائی گئی، لیکن کسی بھی مستند عالمی ذرائع نے ان الزامات کی حمایت نہیں کی۔
واضح ہو گیا کہ یہ ایک سیاسی اور پروپیگنڈا جنگ تھی، جس کا مقصد انتہا پسندی، متاثرین کی مدد اور مسلمانوں کی پرامن شناخت سے توجہ ہٹانا تھا۔
حقیقت یہ ہے کہ سڈنی میں بہادری دکھانے والے مسلمان ہیرو احمد ال احمد نے انسانیت کی اعلیٰ مثال قائم کی۔
انہوں نے یہ ثابت کیا کہ بہادری اور انسانیت کا تعلق مذہب یا نسل سے نہیں، اور دہشت گردی کسی قوم یا مذہب کا مسئلہ نہیں بلکہ انسانیت کی دشمن ہے۔
ماہرین اور صحافیوں کا کہنا ہے کہ جھوٹے پروپیگنڈے کے ذریعے پوری قوم کو بدنام کرنا انتہائی غیر ذمہ دارانہ اقدام ہے، کیونکہ واقعہ ایک فرد کے جرم تک محدود تھا۔
سچائی پر مبنی رپورٹنگ، انسانی ہمدردی اور متاثرین کے حق میں آواز بلند کرنا ہی اصل اخلاقی اور صحافتی ذمہ داری ہے۔
پاکستان دشمن پروپیگنڈے کے اس منصوبے نے ایک بار پھر واضح کر دیا کہ جھوٹ اور من گھڑت الزامات کے ذریعے عالمی سطح پر کسی قوم یا ملک کی شہرت کو نقصان پہنچانا نہ صرف غیر اخلاقی بلکہ انسانی اقدار کے منافی ہے۔