پاکستان کے مشہور اداکار غلام محی الدین کا کہنا ہے کہ دلیپ کمار ہمارے دلوں میں رہتے ہیں۔

تفصیلات کے مطابق گورنر ہاؤس پنجاب میں بھارت کے لیجنڈری اداکار   دلیپ کمار کی یاد میں ایک تقریب منعقد کی گئی جس میں نامور سینئرفنکاروں نے شرکت کی۔

اس موقع پر غلام محی الدین نے دلیپ کمار کے انتقال پر اظہار افسوس کرتے ہوئے کہا کہ  جو پیار دلیپ کمار نے ہمیں دیا، ہم ان کے اسی پیار اور محبت کی یاد میں آج یہاں موجود ہیں۔

انہوں نے  کہا کہ دلیپ کمار ہمارے دلوں میں رہتے ہیں، ان کو ہر فلم میں نئے انداز اور روپ میں دیکھا ہے۔ وہ ڈوب کر کام کرتے تھے، ہر پروڈیوسر چاہتا تھا کہ دلیپ صاحب ہماری فلم میں کام کریں۔

غلام محی الدین نے مزید کہا کہ  دلیپ صاحب نے تعداد  کے بجائے معیار کو ترجیح دی۔  اپنے کیریئر کے دوران ایک ہزار  کے بجائے صرف 65 فلموں میں کام کیا۔

انہوں نے  دلیپ کمار کی فنی خدمات کو سراہتے ہوئے کہا کہ   برصغیر میں دلیپ کمار کا نام ہمیشہ ٹاپ  پر رہا۔