سال 2020 کے بعد رواں سال بھی مس ورلڈ کے لئے ہونے والا مقابلہ ملتوی کردیا گیا ہے۔

اس حوالے سے مس ورلڈ کی انتظامہ نے ایک پوسٹ بھی جاری کیا ہے جس میں کورونا وباء کے باعث پیدا ہونے والے خدشات کو دیکھتے ہوئے یہ مقابلہ عارضی طور پر ملتوی کیا گیا ہے۔

انتظامیہ کا کہنا ہے کہ یہ فیصلہ مقابلے میں شامل تمام کنٹیسٹنٹ اور دیگر عملے کی حفاظت کو مد نظر رکھتے ہوئے کیا گیا ہے۔

انتظامیہ کے مطابق الگے 90 دن میں اس مقابلے کے لئے نئے اعلانات کیے جائینگے جو کہ پورٹو ریکو میں ہی منعقد کیا جائیگا۔

اس حوالے سے مس ورلڈ لمیٹڈ کی س ای او کا کہنا ہے کہ ’ہم مس ورلڈ کی تمام کنٹیسٹنٹ کی واپسی کے منتظر ہیں تاکہ مس ورلڈ کا یہ مقابلہ مکمل کروایا جاسکے۔‘

انہوں نے مزید کہا ہے کہ مقابلے کے ساتھ ساتھ ہمیں سب کی صحت اور بہتر حفاظتی ماحول فراہم کرنے کی بھی ضرورت ہے تاکہ کوئی ناگہانی صورتحال پیش نا آئے۔