کس وقت اے سی چلانا سب سے زیادہ نقصان دہ ہے اس حوالے سے ماہرین نے حیران کن انکشاف کردیا ہے۔

ماہرین کے مطابق رات کو اے سی بند کرنے کے فائدے زیادہ ہوتے ہیں۔

بہتر نیند کو فروغ

سونے کے کمرے کا ٹھنڈا اور آرام دہ ماحول برقرار رکھنا اچھی نیند کے لیے ضروری ہے، تاہم ائیر کنڈیشنگ کی وجہ سے ضرورت سے زیادہ کم درجہ حرارت نیند کے معیار اور مجموعی طور پر سکون میں خلل ڈال سکتا ہے۔

گھر کی بہتری اور دیکھ بھال کے ماہر ایلون پلنز بتاتے ہیں کہ انتہائی ٹھنڈے کمرے رات کے وقت کپکپاہٹ اور تکلیف کا باعث بن سکتے ہیں جس سے نیند پر منفی اثر پڑتا ہے۔

جوڑوں اور پٹھوں کا درد

اے سی کی ٹھنڈی ہوا پٹھوں کے تناؤ کا باعث بن کر ممکنہ طور پر تکلیف کا سبب بن سکتی ہے۔

اگر آپ پہلے سے ہی جوڑوں یا پٹھوں میں درد کے مسئلے سے دوچار ہیں تو نیند کے دوران اے سی کے استعمال سے پرہیز کریں ورنہ آپ کی تکلیف میں اضافہ ہوسکتا ہے۔

پیسوں کی بچت

رات کے وقت اے سی کو بند کرنے سے پیسوں کی بچت ہو سکتی ہے۔

اے سی کافی مقدار میں توانائی استعمال کرنے کے لیے جانے جاتے ہیں اور غیر ضروری اوقات کے دوران اے سی کے استعمال کو کم کرنا وقت کے ساتھ ساتھ قابل توجہ بچت کا باعث بن سکتا ہے۔

کولنگ کے متبادل حل

اگر آپ اے سی پر بھروسہ کیے بغیر ٹھنڈے ماحول کے بارے میں فکر مند ہیں تو متبادل حل موجود ہیں۔

کولنگ بیڈ پروڈکٹس آپ کے جسم کے درجہ حرارت کو کنٹرول کرنے اور بہتر نیند کو فروغ دینے میں مدد کر سکتی ہے۔