ایک امریکی شخص نے صرف 30 سیکنڈز میں 10 ’بھٹ جولوکیا‘ نامی دنیا کی سب سے تیز ترین مرچیں کھا کر نیا عالمی ریکارڈ قائم کر دیا ہے۔

مرچیں ہر کچن میں ضروری اجزاء میں سے ایک ہیں، جوایشیائی ممالک کے مختلف پکوانوں میں لذت بڑھانے کےلئے استعمال کی جاتی ہیں، تاہم، کیا آپ نے کبھی کسی کو مرچوں کو مین کورس میں تبدیل کرتے دیکھا ہے؟

ایک امریکی شخص نے نہ صرف بھٹ جولوکیا مرچیں کھائیں بلکہ عالمی ریکارڈ بھی بنا ڈالا۔

گریگ فوسٹر نے حیران کن طور پر 30 سیکنڈز میں 10 بھٹ جولوکیا مرچیں کھا کر گنیز ورلڈ ریکارڈ میں اپنا نام شامل کیا ہے۔

گنیز ورلڈ ریکارڈ کے آفیشل پیج نے اپنے انسٹاگرام ہینڈل پر ریکارڈ توڑنے والے لمحے کی ایک ویڈیو بھی شیئر کی۔

ویڈیو میں دیکھا جا سکتا ہے کہ گریگ ان تیز ترین موچوں کو کسی چاکلیٹ کی طرح  ایک کے بعد ایک کرکے کھا رہا ہے۔

ریکارڈ میں استعمال ہونے والی ’بھٹ جولو کیا‘ مرچیں:

بھٹ جولو کیا نامی یہ مرچیں بھارت کے شمال مشرقی حصوں ( منی پور، آسام) میں پائی جاتی ہیں ، جن کا شمار دنیا کی تیز ترین مرچوں میں کیا جاتاہے، عام انسان کے لئے یہ ایک مرچ بھی کھانا ناممکن تصور کیا جا تا ہے۔