کیا کبھی آپ نے سنا ہے کہ بچے جڑواں ہوں لیکن ان کی پیدائش کا سال اور دن الگ الگ یو؟ آج ہم آپ کو ایسے ہی جڑواں بچوں کے بارے میں بتانے جارہے ہیں۔

بین الاقوامی ذرائع ابلاغ کے مطابق نیو جرسی میں ایک جوڑے کے ہاں ایسے جڑواں بچوں کی پیدائش ہوئی ہے، جو نہ صرف مختلف دنوں بلکہ مختلف سالوں میں بھی پیدا ہوئے ہیں۔

منفرد تاریخ رقم کرنے والے ان جڑواں بچوں کا نام عذرا اور ایزکیال ہے۔

جڑواں بچوں میں پہلے عذرا 31 دسمبر 2023 کو 11 بجکر 48 منٹ پر پیدا ہوئی پھر اس کا بھائی ایزکیال اس کے 40 منٹ بعد 12 بجکر 28 منٹ پر پیدا ہوا اور اس وقت نئے سال 2024 کا آغاز ہو چکا تھا۔

ان جڑواں بچوں کے والدین نے اسے اپنی زندگی کا خوشگوار تجربہ قرار دیا ہے۔

ان بچوں کی والدہ نے اپنی خوشی کا اظہار کرتے ہوئے انسٹاگرام پر لکھا کہ ان کے نوزائیدہ بچے اتنے خاص ہیں،کہ وہ ایک ہی سال میں پیدا ہونے کا اشتراک بھی نہیں کر سکتے۔