برازیل نے پیرو کو ایک کے مقابلے میں تین گول سے شکست دے کر 12 سال بعد کوپا امریکا فٹ بال ٹائٹل اپنے نام کر لیا ہے۔

تفصیلات کے مطابق برازیل کے شہر ریو ڈی جنیرو کے تاریخی ماراکانا سٹیڈیم میں  برازیل نے گیبرئیل جیزز، ایورٹن اوررچرلیسن  کے گولز کی بدولت نویں مرتبہ ٹائٹل اپنے نام کیا۔

پیرو کی جانب سے ایک گول پاؤلو گیریرو نے پینالٹی کک پر اسکور کیا ۔

یاد رہے کہ سنہ 2016 اولمپکس  کے مقابلوں میں سونے کا تمغہ جیتنے کے بعد سے یہ برازیل کی  پہلی  بڑی فتح ہے۔

اس جیت نے برازیل کے کوپا امریکافٹ بال مقابلوں کی میزبانی کرتے ہوئے ہر مرتبہ اس کو جیتنے کے ریکارڈ کو بھی برقرار رکھا ہے۔