لیڈز: ورلڈ کپ 2019 کے 42ویں میچ میں ویسٹ انڈیز نے افغانستان کو 23 رنز سے شکست دے دی۔

لیڈز کے ہینڈگلے اوول گراؤنڈ میں کھیلے گئے میچ میں ویسٹ انڈیز کے کپتان جیسن ہولڈر نے ٹاس جیت کر خود بیٹنگ کا فیصلہ کیا  اور عمدہ بیٹنگ کا مظاہرہ کرتے ہوئے مقررہ 50 اوورز میں 6 وکٹوں کے نقصان پر 311 رنز بنائے۔

ویسٹ انڈیز کی جانب سے شائی ہوپ نے 77، نکولس پورن اور ایون لوئس نے 58،58 رنز بنائے ۔اپنا آخری ورلڈ کپ میچ کھیلنے والےکرس گیل صرف 7 رنز بنا  کر آؤٹ ہوگئے۔

312 رنز کے جواب میں اکرام علی خیل کی 86 رنز اور رحمت شاہ کی 62 رنز کی اننگز بھی افغانستان کو شکست سے نہ بچاسکی۔

ویسٹ انڈیز کی جانب سے کارلوس براتھویٹ نے 4 ، کیمار روچ نے 3 جبکہ کرس گیل اور اوشین تھومس نے ایک ایک کھلاڑی کو آؤٹ کیا۔

واضح رہے کہ افغانستان کی ٹیم ورلڈ کپ میں ایک میچ بھی نہیں جیت سکی ۔