پاکستان ٹیم کا ورلڈ کپ 2019 کا سفر اختتام پذیر ،قومی کرکٹرز کی وطن واپسی کا سلسلہ شروع  ہوگیا ، آج شب پاکستان پہنچیں گے۔

تفصیلات کے مطابق کپتان سرفراز احمد اور محمد حسنین لندن سے کراچی  کے لیےروانہ  ہوئے جبکہ بابر اعظم، امام الحق اور آصف علی لاہور  پہنچیں گے۔

فخر زمان، شاہین آفریدی، شاداب خان اور عماد وسیم اسلام آباد جبکہ فاسٹ بولر حسن علی لاہور اور حارث سہیل سیالکوٹ پہنچیں گے ۔

ان کے علاوہ محمد عامر، وہاب ریاض، محمد حفیظ اور شعیب ملک  نے ابھی برطانیہ  میں ہی رکنے کا فیصلہ کیا ہے۔

ہیڈ کوچ مکی آرتھر آج اپنے وطن جنوبی افریقہ روانہ ہو جائیں گے۔