ورلڈ کپ 2019 کے انگلینڈ کی جیت کے ساتھ اختتام کے بعد انٹرنیشنل کرکٹ کونسل (آئی سی سی )نے ٹیم آف  دی ٹورنامنٹ کا اعلان کردیا،ٹیم میں کوئی پاکستانی کھلاڑی شامل نہیں ہے ۔

تفصیلات کے مطابق انٹرنیشنل کرکٹ کونسل (آئی سی سی) نے ورلڈ کپ  کےبہترین کھلاڑیوں پر مشتمل 12 رکنی ٹیم کا اعلان کردیا، ٹیم کا انتخاب پانچ رکنی پینل نے کیا ہے ۔

آئی سی سی کی اعلان کردہ ٹیم میں ورلڈ چیمپئن انگلینڈ کے چار،  رنر زاپ نیوزی لینڈ کے تین، بھارت اور آسٹریلیا کے دو، دو اور بنگلہ دیش کا ایک کھلاڑی شامل ہے۔

ٹیم آف دی ٹورنامنٹ  میں کین ولیم سن (کپتان)، بین اسٹوکس، جوفرا آچر، جیسن روئے، جو روٹ ، فرگیوسن اور ٹرینٹ بولٹ ،روہت شرما، جسپریت بمرا، ایلکس کیری ،مچل اسٹارک اور شکیب الحسن شامل ہیں ۔