پی سی بی کی جانب سے قومی کرکٹرز کے سینٹرل کنٹریکٹ پر اظہار خیال کرنے کے لئے ہونے والا اہم اجلاس بغیر کسی حتمیٰ فیصلے کے ختم ہوگیا۔

تٖفصیلات کے مطابق ایم ڈی پی سی بی وسیم خان نے اجلاس کی صدارت کی جبکہ ڈائریکٹر کرکٹ اکیڈمیز مدثر نذر، ڈائریکٹر ڈومیسٹک ہارون رشید، ڈائریکٹر انٹرنیشنل کرکٹ ذاکر خان بھی اجلاس میں شریک ہوئے جبکہ کوچ مکی آرتھر نے بھی اجلاس میں اپنی رائے دی۔

واضح رہے کہ اجلاس میں چیف سلیکٹر کے نہ ہونے کی وجہ سے سینٹرل کنٹریکٹ کی فہرست پر کام نہ ہوسکا جبکہ کرکٹرز کی تعداد اور میچز کے معاوضے بھی طے نہ ہوسکے۔

دوسری جانب کل شام 5 بجے کرکٹ کمیٹی کا اجلاس ایم ڈی پی سی بی وسیم خان کی زیر صدارت پی سی بی ہیڈکوارٹرز میں ہوگا۔

کرکٹ کمیٹی انڈر 19، انڈر 16 کرکٹ ٹیموں کی کارکردگی پر سفارشات چیئرمین پی سی بی کو بھجوائے گی  جبکہ قومی مینز اور ویمنز کرکٹ ٹیموں کی کارکردگی کا جائزہ  بھی لیا جائے گا۔

اجلاس میں انضمام الحق، مکی آرتھر ،سرفراز احمد، سابق کپتان وسیم اکرم، مصباح الحق اور عروج ممتاز بطور کمیٹی اراکین شرکت کریں گے جبکہ ذاکر خان سیکرٹری کمیٹی، مدثر نذر اور ہارون رشید بھی اجلاس میں شریک ہوں گے۔