اسپاٹ فکسنگ کے الزام میں سزا یافتہ شرجیل خان نے بحالی پروگرام میں شرکت کے لیے پی سی بی کو خط لکھ دیا ۔

تفصیلات کے مطابق اسپاٹ فکسنگ کیس میں سزا یافتہ شرجیل خان پر پابندی کی مدت 10 اگست کو ختم ہورہی ہے۔

کسی بھی سطح پر کرکٹ میں دوبارہ واپسی کے لیے شرجیل خان کو پی سی بی کے بحالی پروگرام میں شرکت کرنا ہوگی، اوپنرنے اس کے لیے پی سی بی کو خط لکھ دیا ہے۔

شرجیل خان کو اپنی غلطی کےاعتراف کے علاوہ پی سی بی اینٹی کرپشن یونٹ کے تحت ہونے والے  پروگراموں میں نوجوان کرکٹرز کو فکسنگ سے بچا نے کے لیے لیکچر بھی دینا ہوں گا۔

واضح رہے کہ پاکستان سپرلیگ کے دوسرے سیزن میں اسپاٹ فکسنگ کا جرم ثابت ہونے پرشرجیل خان کوڈھائی سال معطل سمیت پانچ سال کی پابندی عائد کی گئی تھی۔

سپاٹ فکسنگ کیس میں شرجیل خان کے ساتھ خالد لطیف، شاہ زیب حسن اور محمد عرفان بھی سزا پا چکے، اسی کیس میں سہولت کاری کے ملزم ناصر جمشید پر بھی 10سال کی پابندی عائد کی گئی تھی۔

اس سے قبل 2010 میں انگلینڈ کے دورے میں اسپاٹ فکسنگ اسکینڈل سامنے آیا تھا جس میں ملوث تین کرکٹرز سلمان بٹ، محمد آصف اور محمد عامر کو نہ صرف آئی سی سی نے سزا دی تھی بلکہ یہ تینوں کرکٹرز اس جرم میں جیل بھی گئے تھے۔

جبکہ اسپاٹ فکسنگ کیس میں سزا یافتہ اوپنر سلمان بٹ کہتے ہیں کہ اپنی غلطی پر نادم ہوں، میری خواہش ہے کہ کیریئر کے آخری سالوں میں پاکستانی ٹیم میں موقع ملے اور کارکردگی دکھاکر اپنے بارے میں منفی تاثر کو ختم کروں۔