سیف گیمز 2019 سے ہاکی کے کھیل کو باہر کردیا گیا ہے۔

تفصیلات کے  مطابق  ہاکی  کو   سیف گیمز  میں   شامل رکھنے کیلئے پاکستان اولمپک ایسوسی ایشن کا مطالبہ بھی کارگر ثابت نہ ہوا  ۔سیف گیمز آرگنائزنگ کمیٹی نے ہاکی ایونٹ نیپال میں کرانے سے معذرت کر لی ہے۔

   نیپال اولمپک ایسوسی ایشن ڈیڈلائن ختم ہونے کے باوجود ہاکی کا اسٹیڈیم تیار نہ کرواسکی۔

سیکرٹری جنرل پی او اےخالد محمودکا کہنا ہے کہ  پی او اے کی پوری کوشش رہی کہ ہاکی کو ساوتھ ایشین گیمز میں شامل رکھا جائے مگر یہ نہ ہوسکا   ۔

خالد محمود کا مزید کہنا تھا کہ  نیپال میں انٹرنیشنل اسٹینڈرڈ کا ہاکی اسٹیڈیم نہ ہونا اصل وجہ ہےجبکہ  سیف گیمز میں پاکستان گولڈ میڈل کیلئے پر امید تھا۔

یاد رہے کہ اس سے قبل 12 ویں   سیف گیمز میں  پاکستان  نے   بھارت  کو  شکست دے کر   گولڈ میڈل جیتا تھا۔

 واضح  رہے کہ سیف  گیمز  رواں سال یکم دسمبر   سے    نیپال میں  شروع  ہوں  گے  ۔