پاکستان نے سری لنکا کو دوسرے ون ڈے میں 67 رنز سے  شکست دے دی۔

تفصیلات کے مطابق نیشنل اسٹیڈیم کراچی میں کھیلے جانے والے دوسرے ون ڈے میچ میں ٹاس جیت کر پاکستان نے پہلے بیٹنگ کا فیصلہ کیا جس میں فخر زمان اور امام الحق نے تہتر رنز کا محتاط آغاز فراہم کیا، جس کے بعد مڈل آرڈر میں بابر اعظم نے اننگز کو سنبھالا اور  سینچری کی بدولت ٹیم کا اسکو ر پچاس اوورز میں سات وکٹوں کے نقصان پر تین سو پانچ رنز پر پہنچایا۔

نیشنل اسٹیڈیم کراچی میں کھیلے جانے والے دوسرے ون ڈے میچ میں پاکستان کی جانب سے دئیے جانے والے 306 رنز کے تعاقب میں سری لنکن ٹیم 46.5 اوورز میں 238 رنز پر ڈھیر ہوگئی، جے سوریا 96 رنز بنا کر نمایاں رہے۔

سری لنکا کی 5 وکٹیں 28 رنز پر گرنے کے بعد جے سوریا اور شناکا کے درمیان 177 رنز کی عمدہ شراکت داری قائم ہوئی، جے سوریا نے 96 اور شناکا نے 68 رنز کی اننگز کھیلی۔

سری لنکن اوپنر گناتھلا کا 14، سمرا وکراما 6، فرنینڈو صفر، پوپ فرنینڈو 1 اور کپتان لہیرو تھریمانے بغیر کوئی رن بنائے پویلین لوٹ گئے۔

پاکستان کی جانب سے عثمان شینواری نے 5، شاداب  خان نے 2 ، محمد عامر،  وہاب ریاض اور عماد وسیم نے ایک ایک وکٹ اپنے نام کیں۔

Pakistan win the second #PAKvSL ODI by 67 runs!

SCORECARD ➡️ https://www.bolnews.com/urdu/sports/2019/09/728478/amp/ pic.twitter.com/y1CEfrnNMY

— Pakistan Cricket (@TheRealPCB) September 30, 2019