پاکستان کرکٹ ٹیم کے کپتان سرفراز احمد نے کہا ہے کہ ٹی ٹوئنٹی سیریز میں نمبر چار پر ہی بیٹنگ کرونگا۔

لاہور میں پریس کانفرنس کرتے ہوئے سرفراز احمد کا کہنا تھا کہ شائقین کو سیکورٹی کے باعث مشکلات ہوتی لیکن یہی وقت ہے پاکستان کرکٹ کو سپورٹ کرنے کا۔

کرکٹ کپتان کا کہنا تھا کہ پی سی بی جس کو مناسب سمجھے گا کپتان بنائے گا، ہمارا کام کھیلنا اور پرفارم کرنا ہے۔

انہوں نے کہا کہ سری لنکا کی ٹیم کو کمزور نہیں کہہ سکتے اور نہ ہی ہم سری لنکا کو کمزور لے رہے ہیں، ہم اچھی کرکٹ کھیلیں گے۔

سرفراز احمد نے بتایا کہ ٹی ٹونٹی میں کوئی ٹیم کمزور نہیں ہوتی ہے اسی وجہ سے ٹی ٹونٹی ورلڈ کپ کو مد نظر رکھ کر پاکستانی ٹیم بنائی گئی ہے۔

انکا مزید کہنا تھا کہ محمد حسنین بہت محنتی کھلاڑی ہیں امید ہے آئندہ سیریز میں ٹیم میں نظرآئیں گے جبکہ عمر اکمل اور احمد شہزاد کو ٹیم میں کم بیک پر مبارکباد دیتا ہوں دونوں کھلاڑی محنت کرکے ٹیم میں واپس آئے ہیں دونوں کھلاڑی ٹیم کو جتوانے کی صلاحیت رکھتے ہیں۔