پاکستان کرکٹ ٹیم کے ٹی 20 کپتان بابراعظم نے کہا ہے کہ آسٹریلیا  کے خلاف سیریزمیں فخرزمان کے ہمراہ خود اوپننگ کروں گا۔

لاہور میں قومی ٹی 20 ٹيم کے کپتان بابراعظم نے پريس کانفرنس کرتے ہوئے کہا کہ مجھے يقين ہے کہ کرکٹ ٹيم آسٹريليا  ميں اچھا پرفارم کرے گی،آسٹريليا  ميں ميری اپنی کارکردگی بھی اہم ہوگی۔

بابراعظم نے کہا کہ کپتانی کيلئے کافی کچھ سيکھا ہے، کوشش کرتا ہوں کہ اپنی 100 فيصد کارکردگی دکھاؤں، جس طرح کھيلتا آيا ہوں آسٹريليا  ميں بھی ويسے ہی کھيلوں گا۔

بابر اعظم نے مزید کہا کہ ذہن میں يہی ہے کہ ٹيم سے بھی پرفارمنس لوں اور خود بھی پرفارم کروں۔ انھوں نے بتایا کہ قومی ٹیم کا مضبوط شعبہ بولنگ ہے، بولنگ لائن ميں سينئر اور جونيئر کا کمبی نيشن کافی اچھا ہے۔