پاکستان ویمن ٹیم نے بنگلہ دیش کے خلاف ٹی ٹوئنٹی سیریز جیت لی۔

 تفصیلات کے  مطابق لاہور کے قذافی ا اسٹیڈیم میں پاکستان نے بنگلہ دیش ویمن ٹیم کو دوسرے ٹی ٹوئنٹی میں  15 رنز سے شکست  دے کر سیریز اپنے نام کرلی۔

سعدیہ اقبال نے تین جبکہ انعم امین، ثنا میر اور ڈیانا بیک نے ایک وکٹ حاصل کی

بنگلہ دیش کی سنجیدہ اسلام نے 45 جبکہ فرغانہ حق نے 30 رنز بنائے۔

 سیریز کا تیسرا اور آخری ٹی ٹونٹی 30 اکتوبر کو کھیلا جائے گا۔

 پاکستان کو سیریز میں 2-0 سے برتری ہے۔

مہمان ٹیم نے ٹاس جیت کر فیلڈنگ کا فیصلہ کیا تھا۔ قومی ویمن ٹیم نے مقررہ بیس اوورز میں 3 وکٹوں کے نقصان پر ایک سو سڑسٹھ رنز بنائے اور بنگالی خواتین کو جیت کے لیے ایک سو اڑسٹھ رنز کا ہدف دیا تھا۔

بنگلہ دیش کی ٹیم بیس اوورز میں 7وکٹوں کے نقصان پر 152 رنز ہی بنا سکی۔

یاد رہے کہ سیریز کے پہلے میچ میں بھی پاکستان  ویمن ٹیم نے بنگلہ دیش ویمن ٹیم کو 14 رنز سے ہرادیا تھا۔

پاکستان نے پہلے کھیلتے ہوئے مقررہ 20 اوورز میں 7وکٹوں کے نقصان پر 126رنز بنائے تھے۔

جواب میں بنگلہ دیش کی ویمز ٹیم مقررہ 20 اوورز میں 7 وکٹوں کے نقصان پر 112 رنز ہی بناسکی۔

اس سے قبل قومی ویمنز کرکٹ ٹیم کی کپتان بسمعہ معروف نے ٹاس جیت کر پہلےبیٹنگ  کا فیصلہ کیا تھا تو میزبان ٹیم کی جانب سے اننگز کا آغاز متاثر کن نہ رہا اور محض 15 رنز پر دونوں اوپنرز آؤٹ ہوکر پویلین واپس لوٹ گئیں، جس کے بعد کپتان بسمعہ معروف اور عمیمہ سہیل  نے ذمہ دارانہ کھیل کا مظاہرہ کیا۔

دونوں کھلاڑیوں نے تیسری وکٹ کے لیے 60 رنز کی شراکت قائم کی۔ اختتامی اوور میں سدرہ نواز نے 5 گیندوں پر 4 چوکے جڑ کرٹیم کا مجموعہ 126 تک پہنچایا۔

بنگلہ دیش کی جانب سے  جہاں آراء عالم  نے 17 رنز کے عوض 4 کھلاڑیوں کو آؤٹ کیا۔

127رنز کے تعاقب میں مہمان ٹیم کی ابتدائی 2 وکٹیں محض 6 رنز پر گرگئیں۔ تجربہ کاربیٹر رومانہ احمد نے ذمہ دارانہ کھیل کا مظاہرہ کرتے ہوئے نصف سنچری اسکور کی تاہم وہ اپنی ٹیم کو فتح سے ہمکنار نہ کرسکیں۔

رومانہ احمد نے 30 گیندوں پر6چوکوں اور 2 چھکوں کی مدد سے50 رنز کی اننگز کھیلی۔

بنگلہ دیش کی ویمزٹیم مقررہ 20 اوورز میں 7 وکٹوں کے نقصان پر 112 رنز ہی بناسکی۔

پاکستان کی جانب سے اسپنر انعم امین نے 13 رنز کے عوض 2 کھلاڑیوں کوپویلین کی راہ دکھائی۔ عالیہ ریاض، کائنات امتیاز، بسمعہ  معروف، سعدیہ اقبال اور ڈیانا بیگ نے  1،1 وکٹ حاصل کی۔

قومی کرکٹ ٹیم کی  کپتان بسمعہ معروف کو پلیئر آف دی میچ کا انعام دیا گیا۔

سعدیہ اقبال  نے پاکستان کی جانب سے ڈیبیو کیا تھا۔