سابق آسٹریلوی آل راؤنڈر شین واٹسن کو آسٹریلین کرکٹرز ایسوسی ایشن (اے سی اے) کا صدر مقرر کر دیا گیا ہے۔ سڈنی میں سالانہ جنرل میٹنگ (اے جی ایم) کے دوران انہیں انجمن کا سربراہ مقرر کیا گیا۔

تفصیلات کے مطابق سابق آسٹریلوی آل راؤنڈر شین واٹسن کو آسٹریلین کرکٹرز ایسوسی ایشن (اے سی اے) کا صدر مقرر کر دیا گیا ہے۔ سڈنی میں سالانہ جنرل میٹنگ (اے جی ایم) کے دوران انہیں انجمن کا سربراہ مقرر کیا گیا۔

واٹسن اب بورڈ کی دس رکنی گورننگ باڈی کا حصہ ہیں۔ گورننگ باڈی میں موجودہ آسٹریلین کھلاڑی پیٹ کیومنز ، کرسٹن بیمز کے علاوہ سابق آسٹریلین کرکٹر لیزا اسٹالیکر بھی شامل ہیں۔

 شین واٹسن کا کہنا ہے کہ ہمارے کھلاڑیوں نے جس طرح کرکٹ کو مضبوط بنایا ہے اب ہماری ذمہ داری ہے کہ اسکی حفاظت کریں۔ مجھے واقعی ACA کا صدر منتخب ہونے پر فخر ہے، انہوں نے کہا کہ میں بہت پرجوش ہوں کہ مجھے اس کھیل کا قرض لوٹانے کا موقع ملا ہے جس نے مجھے بہت کچھ دیا ۔

انہوں نے مزید کہا کہ ’میری اولین ذمہ داری کھلاڑیوں  کی ذہنی نشو نما کو بہتر بنانا ہوگا۔میرے نذدیک  جسمانی صحت کے ساتھ ساتھ ذہنی صحت  بھی انتہائی اہم ہے جس کے لئے میں ہر لحاظ سے کام کروں گا۔‘