قومی ٹیسٹ کرکٹر حسن علی اپنی بھارتی نژاد بیوی  سامعیہ کو لے کر وطن پہنچ گئے ہیں۔

تفصیلات کے مطابق کرکٹرحسن علی اپنی بھارتی اہلیہ سامعیہ کے ساتھ دبئی سے گوجرانوالہ پہنچے تو ان کی اہلیہ سامعیہ آرزو کا پرتپاک استقبال کیاگیا۔

سامیعہ کے استقبال کے لیےگھر کے گیٹ سے کمرے تک سرخ پھولوں کا قالین بنایاگیا جس پر چلتے ہوئے قومی کرکٹر کی اہلیہ اپنے کمرے میں داخل ہوئیں،اس کمرے میں بھی ہر طرف پھول ہی پھول تھے۔

چیمپئنز ٹرافی 2017 کے ہیرو حسن علی بیوی کے ہمراہ گوجرانوالہ میں واقع اپنے نئے گھر واپڈا ٹاؤن میں شفٹ ہوئے ہیں۔

واضح رہے کہ حسن علی اور نجی ائیر لائنز کی فلائٹ انجینئر سامعیہ نے پسند کی شادی کی تھی اور دونوں کا نکاح دبئی میں ہوا تھا۔

پاکستان اوربھارت میں موجودلوگوں کی شکرگزارہوں، اہلیہ حسن علی 

دوسری جانب فاسٹ بالر حسن علی سری لنکا کے خلاف ٹیسٹ سیریز سے بھی باہر ہوگئے ہیں۔تازہ ترین سی ٹی اسکین میں حسن علی کی پسلیوں میں فریکچر کی تشخیص ہوئی ہے۔

See more

فاسٹ بالر کی آٹھویں اور نویں پسلی میں فریکچر ہوا ہے،جس سے نجات کے لیے 6 ہفتے درکار ہیں۔

حس ن علی پیر سے نیشنل کرکٹ اکیڈمی لاہور میں ری ہیب  کا آغاز کریں گے۔

یاد رہے اس سے قبل حسن سری لنکا کے خلاف ایک روزہ اور ٹی ٹوئنٹی میچز اور دورہ آسٹریلیا میں بھی کمر کی تکلیف کے باعث باہر ہو گئے تھے۔