پاکستان نے شطرنج  کے کھیل میں بھی بڑا اعزاز  اپنے نام کرلیا۔

تفصیلات کے مطابق نیپال میں منعقدہ ایشین ایمیچور چیس چیمیئن شپ 2019 میں  دو پاکستانی کھلاڑیوں نے میدان مار لیا۔

پاکستان کے دو کھلاڑیوں نے کھٹمنڈو میں جاری چیمپئن شپ میں دو گولڈ میڈل جیت لیے۔

پاکستان کے امین ملک نے ان ریٹڈ کیٹیگری میں گولڈ میڈل حاصل کیا جبکہ احتشام الحق نے انڈر 1800 کیٹیگری میں گولڈ میڈل حاصل کیا۔

امین ملک نے 5 اعشاریہ 5 اور احتشام الحق نے 6 پوائنٹ اسکور کیے۔

اس موقع پر امین ملک کا کہنا تھا کہ ملک کے لیے دو گولڈ میڈل حاصل کرنا ہمارے لیے بڑا اعزاز ہے۔

پاکستان چیس فیڈریشن کے نائب صدر نے کہا کہ پاکستان کی تاریخ میں پہلی بار شطرنج میں اتنی بڑی کامیابی حاصل کی گئی۔

واضح رہے کہ ایشین ایمیچور چیس چیمیئن شپ 2019 میں 15 ایشیائی ممالک کے 80 کھلاڑیوں نے حصہ لیا تھا۔