بھارت نے اگلے سال جنوری میں پاکستان میں ہونے والے کبڈی ورلڈ کپ میں شرکت کی تصدیق کر دی۔

تفصیلات کے مطابق کبڈی ورلڈ کپ 2020ءلاہور میں 18-12 جنوری تک منعقد ہو گا جس میں بھارت کا 18 رکنی دستہ ورلڈکپ میں شرکت کیلئے پاکستان آئے گا۔

سیکرٹری رانا محمد سرور پاکستان کبڈی فیڈریشن کا کہنا ہے کہ بھارتی کبڈی حکام نے تصدیق کر دی ہے اور بھارتی دستے کے ویزوں کا عمل جلد شروع ہو گا جبکہ امریکہ اور کینیڈا سمیت دیگر ممالک کی جانب سے ایونٹ میں شرکت کی تصدیق پہلے ہی مل چکی ہے۔

انکا کہنا تھا کہ کبڈی ورلڈ کپ کے میچز فیصل آباد، کرتار پور اور ننکانہ صاحب میں بھی کرانے کا پلان ہے اور  ورلڈ کپ کی افتتاحی تقریب اور فائنل لاہور میں ہی ہو گا۔

انہوں نے بتایا کہ سرکل اسٹائل میں ہونے والے کبڈی ورلڈ کپ میں 10 ٹیمیں حصہ لیں گی جبکہ فاتح ٹیم کو ایک کروڑ انعام دیا جائے گا۔