پاکستانی فاسٹ بالر حسن علی کی اہلیہ سامعہ نے شوہر کو گلاب دے کر اُن سے اپنی محبت کا اظہار کیا۔

گزشتہ روز سماجی رابطے کی ویب سائٹ انسٹاگرام پر قومی کرکٹ ٹیم کے فاسٹ بالر حسن علی اور اُن کی اہلیہ سامعہ آرزو کی ایک ویڈیو وائرل ہوئی۔

See more

ویڈیو میں دیکھا جا سکتا ہے کہ سامعہ آرزو ایک پارک میں موجود ہیں اورسامعہ ہاتھ میں گلاب لیے آتی ہیں اور گُھٹنوں کے بل بیٹھ کر اپنے شوہر کو گلاب پیش کرتی ہیں اور  اپنی محبت کا اظہار کرتی ہیں۔

جس پر حسن علی بہت زیادہ خوش ہوجاتے ہیں اور اپنی اہلیہ کا شکریہ ادا کرکے انہیں گلے لگاتے ہیں۔

حسن علی اور سامعہ آرزوکی وائرل ہونےوالی ویڈیو پر لوگوں کی جانب سے ملی جلی رائے سامنے آرہی ہیں بہت سے لوگ ان کی اس حرکت پر تنقید کا نشانہ بنا رہے ہیں تو بہت سے لوگ ان کو اس انداز میں ایک دوسرے سے محبت کے اظہار پر انہیں سراہا رہے ہیں۔

ایک صارف نے سامعہ آرزو کی وفا کی تعریف کرتے ہوئے لکھا کہ ’میں نے جتنی وفا بھارتی لڑکیوں میں دیکھی ہے اتنی وفا کہیں اور نہیں دیکھی ہے۔

حمزہ احمد نامی صارف نے حسن علی کو مخاطب کرتے ہوئے کمنٹ کیا کہ بھائی کرکٹ نہیں کھیلنی ہے؟ آپ کو معلوم نہیں ہے کہ اِس وقت ہماری ٹیم کے کیا حالات ہیں؟

واضح رہے کہ اِس سے قبل حسن علی نےپاکستان فیشن شو ویک کے دوران ریمپ پر واک کی تھی۔

یاد رہے کہ قومی کرکٹ ٹیم کےفاسٹ بالر حسن علی اورسامعہ ایک بارپھردلہا دلہن بن گئے تھے ۔

 حال ہی میں شادی کے بعد پہلی بار پاکستان آنے والی سامعہ نے حسن علی کے آبائی شہر گوجرانوالہ میں عروسی جوڑا زیب تن کیا اور دلہن کے روپ میں تصویریں اپلوڈ کیں۔

سسرالیوں کی جانب سے نوبیاہتا جوڑے کے اعزازمیں منعقد کی گئی فیملی تقریب میں حسن علی اوراُن کی اہلیہ نےدوبارہ عروسی جوڑا زیب تن کیا تھا۔