پی ایس ایل 2020 کے کراچی میں ہونے والے پہلے میچ میں  کوئٹہ گلیڈی ایٹرز نے اسلام آباد یونائیٹڈ کو تین وکٹوں سے شکست دے دی۔

پی ایس ایل 2020 میں پہلا ٹاس کوئٹہ گلیڈی ایٹرز نے اسلام آباد یونائیٹڈ کے خلاف ٹاس جیت کر پہلے بولنگ کا فیصلہ کیا تھا، اسلام آباد یونائٹڈ نے کوئٹہ کو 169 رنز کاٹارگٹ دیا تھا۔

 کوئٹہ گلیڈی ایٹرز کے کپتان سرفراز احمد نے اسلام آباد یونائیٹڈ کے خلاف ٹاس جیت کر وکٹ کو دیکھتے ہوئے  فیلڈنگ کا فیصلہ کیا تھا۔

کوئٹہ کے کپتان سرفراز احمد کا کہنا تھا کہ کوشش کریں گے کہ اسلام آبادیونائیٹڈ کے کھلاڑیوں کو کم سے کم اسکور میں آؤٹ کریں، جیسن رائے کے آنے سے ہماری ٹیم مضبوط ہوئی ہے۔

 اسلام آباد یونائیٹڈ کے کپتان شاداب خان کا کہنا تھا کہ 180 رنز بنانے کی کوشش کریں گے، کوشش ہوگی آسان کرکٹ کھیلیں، ان کا کہنا تھا کہ کولن منرو، رونکی، ڈیوڈ ملان اور انگرام کو ٹیم میں شامل کیا گیا ہے۔