پاکستان سپر لیگ (پی ایس ایل 5) کے دوسرے میچ میں کراچی کنگز نے پشاور زلمی کو 10 رنز سے شکست دے دی۔

نیشنل اسٹیڈیم کراچی میں  کھیلے گئے میچ میں پشاور زلمی کی ٹیم 202 رنز کے ہدف کے تعاقب میں مقررہ 20 اوورز میں 7 وکٹوں کے نقصان پر 191 رنز بناسکی۔

لیام لیونگ اسٹون 29 گیندوں پر 3 چھکوں اور 2 دو چوکوں کی مدد سے 54 رنز بنا کر ناقابل شکست رہے۔ ان کے علاوہ کامران اکمل 43 اور کپتان ڈیرن سیمی 30 رنز بناکر نمایاں رہے۔

لیام ڈوسن 22،  شعیب ملک 16 ، ٹام بینٹن 13 ، حیدر علی 4 اور وہاب ریاض بغیر کوئی رن بنائے آؤٹ ہوئے۔

کراچی کنگز کی جانب سے عمید آصف اور کرس جورڈن  نے 2،2 جبکہ کیمرون ڈیلپورٹ اور محمد عامر نے ایک ایک وکٹ حاصل کی۔

AND IT'S ALL OVER. SUPERMAN UMAID WINS IT FOR KARACHI.

(also what a picture!)#KKvPZ #HBLPSLV pic.twitter.com/dmv1Zxr2cb

— PakistanSuperLeague (@thePSLt20) February 21, 2020

اس سے قبل پشاور زلمی نے ٹاس جیت کر کراچی کنگز کو پہلے بیٹنگ کرنے کی دعوت دی  تھی۔

پی ایس ایل 5: کوئٹہ گلیڈی ایٹرز نے اسلام آباد یونائیٹڈ کو تین وکٹوں سے شکست دے دی

کراچی  کنگز نے بابر اعظم  کی ذمہ دارانہ اور کپتان عماد وسیم کی جارحانہ نصف سنچریز کی بدولت مقررہ 20 اوورز میں 4 وکٹوں کے نقصان پر 201 رنز بنائے تھے۔

بابر اعظم نے 56 گیندوں پر 7 چوکوں اور 2 چھکوں کی مدد سے 78 رنز کی اننگز کھیلی  تھی جبکہ عماد وسیم نے 30 گیندوں پر 3 چھکوں اور اتنے ہی چوکوں کی مدد سے 50 رنز بنائے تھے۔

ان کے علاوہ کیمرون ڈیلپورٹ نے 20 اور شرجیل  خان نے 19رنز بنائے جبکہ افتخار احمد 16 اور چیڈوک والٹن 9 رنز بناکر ناقابل شکست رہے تھے۔

پشاور زلمی کی جانب سے حسن علی وکٹ کے حساب سے سب کامیاب اور رنز کے اعتبار سے سب  سے مہنگے ثابت ہوئے۔انہوں نے 52 رنز کے عوض 2 وکٹیں حاصل کیں جبکہ محمد محسن ایک وکٹ حاصل کرسکے۔

بابر اعظم کو شاندار بیٹنگ کرنے پر میچ کا بہترین کھلاڑی قرار دیا گیا۔

PRINCE BOBBY 😍 pic.twitter.com/4XLyypMbBX

— PakistanSuperLeague (@thePSLt20) February 21, 2020

یاد رہے کہ گذشتہ روز کھیلے گئے  پی ایس ایل 5 کے افتتاحی  میچ میں دفاعی چیمپئن کوئٹہ نے دو بار کی چیمپئن اسلام آباد کو3 وکٹ سے شکست دی تھی۔