‏پاکستان کے ٹینس اسٹار اعصام الحق نے اپنے برطانوی پارٹنر ڈومینک اینگلٹ کے ہمراہ نیویارک اوپن کا ڈبلز ٹائٹل جیت لیا۔

 تفصیلات کے مطابق پاکستانی اسٹار کھلاڑی ‏اعصام الحق اور اینگلٹ نے اسٹیو جانسن اور ریلی اوپیلکا پر مشتمل امریکی جوڑی کو شکست دی۔

فاتح ٹیم نے پہلے سیٹ میں سخت مقابلے کے بعد 6-7 سے برتری ثابت کی، دوسرے میں بھی اس مارجن سے کامیابی حاصل کرتے ہوئے ٹائٹل اپنے نام کرلیا۔

https://www.bolnews.com/urdu/sports/2020/02/624815/amp/

اعصام الحق نے شاندار فتح کے بعد اپنے مداحوں بالخصوص پاکستانی کمیونٹی کا  بھرپور سپورٹ کرنے پر شکریہ ادا کیا ۔

Thanks for the support, thanks for the love. ❤️@aisamhqureshi | @dominglot #NYOpen | #NYOpen2020 pic.twitter.com/ReWQtsSdHy

— #NYOpen (@NewYorkOpen) February 17, 2020

واضح رہے کہ اعصام الحق کا اپنے نئے پارٹنر ڈومینک اینگلٹ کے ہمراہ کھیلتے ہوئے یہ پہلا ٹائٹل ہے۔

پاکستانی اسٹار نے برطانوی کھلاڑی  کے ساتھ تال میل کو بہترین قرار دیتے ہوئے مستقبل میں بھی فتوحات کا سلسلہ جاری رکھنے کا عزم ظاہر کیا ہے۔

یاد رہے کہ پاکستان کے ٹینس اسٹار ‏اعصام الحق  کا یہ 18واں جبکہ اینگلٹ  کا یہ 14 واں ڈبلز ٹائٹل  ہے۔