انٹر نیشنل کرکٹ کونسل (آئی سی سی )نے 30 جون تک ہونے والے تمام کرکٹ ایونٹس ملتوی کردیے ہیں۔

تفصیلات کے مطابق انٹرنیشنل کرکٹ کونسل نے 30 جون تک شیڈول ٹی ٹوئنٹی  ورلڈ کپ 2021 اور ورلڈ  کپ 2023 کے کوالیفائنگ ایونٹس سمیت  تمام میچز  ملتوی کردیے ہیں۔

آئی سی سی کی جانب سے کہاگیا ہے کہ کورونا وائرس کی وجہ سے ایونٹس ملتوی  کیے گئے ہیں۔کھلاڑیوں اور ان کے اہلخانہ کی زندگیاں بہت عزیز ہیں ۔

https://twitter.com/ICC/status/1243063887882305536

ٹی ٹوئنٹی ورلڈ کپ سے پہلے یہ کوالیفائرز ایشیا، یورپ اور افریقہ میں کھیلے جانے تھے۔ ایونٹس کی نئی تاریخوں کا اعلان بعد میں کیا جائے گا۔

دوسری جانب آئی سی سی نے کورونا وائرس کی وجہ سے ورلڈ کپ ٹرافی ٹور  بھی ملتوی  کردیا ہے۔

آئی سی سی نے کہاہے کہ صورتحال کا جائزہ لے رہے ہیں ، ٹرافی کے ٹور کو ری شیڈول کریں گے۔

واضح رہے کہ کورونا وائرس کے سبب دنیا بھر میں کھیلوں کے تقریباً تمام بڑے ایونٹس ملتوی کردیے گئے ہیں۔

انگلینڈ بمقابلہ سری لنکا، پاکستان بمقابلہ بنگلہ دیش، آسٹریلیا بمقابلہ نیوزی لینڈ،جنوبی افریقہ بمقابلہ بھارت کی سیریز سمیت پاکستان سپر لیگ اور انڈین پریمئر لیگ بھی ملتوی کردی گئی ہے۔

انگلینڈ  میں 28 مئی تک ملک میں کسی بھی قسم کی پروفیشنل کرکٹ کھیلنے پر پابندی عائد کردی گئی ہے۔