کورونا وائرس نے  دنیا بھر کے انسانوں بشمول کھلاڑیوں کو بھی  شدیدمتاثر کیا ہے اور کئی ممالک  اور کھیلوں کے اداروں نے کھلاڑیوں کی تنخواہوں میں کٹوتی کردی ہے۔

ایسے وقت میں  جب دنیا بھر کےکرکٹ بورڈز ، فٹبال فیڈریشنز اور کھیلوں کے دیگر بڑے ادارے کھلاڑیوں کی تنخواہوں میں کٹوتی کر رہے ہیں وہیں جنوبی افریقی کرکٹ بورڈ نے تنخواہوں میں کٹوتی نہ کرنے کا فیصلہ کیا ہے۔

جنوبی افریقی کرکٹ بورڈ گذشتہ روز تصدیق کردی ہے کہ  کھلاڑیوں کی تنخواہوں میں   سیزن 2020-2021 میں کوئی کمی نہیں  کی جائے گی۔

ٹوکیو اولمپکس ، کاؤنٹ ڈاؤن کلاک کو ری سیٹ کردیا گیا

تاہم جنوبی افریقی کرکٹ بورڈ کے قائم مقام سی ای او جیکس فال کاکہنا ہے اس عالمی وبا ءکی وجہ سے مستقبل میں کھلاڑیوں  کو تنخواہوں میں کمی کا سامنا کرنا پڑسکتا ہے۔

واضح رہے کہ کورونا وائرس کی وباء نے تقریباً پوی دنیا کو اپنی لپیٹ میں لے رکھا ہے  جس سے کھیلوں کے مقابلے بری طرح سے متاثر ہوئے ہیں او ر مستقبل قریب میں کوئی ایونٹ منعقد ہونے کے امکانات نہیں ہیں۔

ایونٹس ملتوی ہونے کے سبب بورڈز اور دیگر کھیلوں کےمالی مشکلات کا شکار ہیں اور کھلاڑیوں کی تنخواہوں میں کٹوتی کی جارہی ہے۔