انٹرنیشنل کرکٹ میں تیز ترین سنچری بنانے کا ریکارڈ جنوبی افریقہ کے عظیم بلے باز اور سابق کپتان اے بی ڈی ویلیئرز کے پاس ہے۔

مسٹر 360 کا لقب پانے والے اے بی ڈی ویلیئرز نے یہ ریکارڈ ویسٹ انڈیز کے خلاف محض 31 گیندوں پر سنچری اسکور کرکے اپنے نام کیا تھا۔

لیکن کیا آپ جانتے ہیں کہ پاکستان کے روایتی حریف بھارت کے خلاف تیز ترین سنچری بنانے کا اعزاز کس کے پاس ہے؟

ایشیاء کپ، ابھی نہیں ہوا تو کب ہوگا؟

یوں تو بھارت کے خلاف سعید انور، سلمان بٹ، یونس خان، شاہد آفریدی اور فخر زمان سمیت  موجودہ اور ماضی کے بے شمار پاکستانی کھلاڑیوں نے سنچریز اسکور کی ہیں تاہم تیز ترین سنچری بنانے کا اعزاز بوم بوم آفریدی کے پاس ہے۔

سابق پاکستانی اسٹار شاہد آفریدی نے 15 اپریل 2005 کو 45 گیندوں پر سنچری اسکور کرکے یہ اعزاز اپنے نام کیا تھا۔

 اس سے قبل بھارت کے خلاف تیز ترین سنچریز بنانے کا اعزاز مشترکہ طور پر آسٹریلیا کے جیمز فالکنر اور جنوبی افریقہ کے اے بی ڈی ویلیئرز کے پاس تھا جنہوں نے 57 گیندوں پر سنچریز کی تھیں۔