سابق کپتان شاہد آفریدی  کا کہنا ہے کہ بلوچستان اور کے پی پولیس نے ملک کی خاطر بہت قربانیاں دی ہیں ۔

تفصیلات کے مطابق  سابق شاہد آفریدی کی جانب سے صوبائی دارالحکومت کوئٹہ  میں پولیس شہدا کے گھرانوں میں راشن تقسیم کیا گیا۔

اس موقع پر شاہد آفریدی کا کہنا تھا کہ انہوں نے آئی جی بلوچستان پولیس محسن حسن بٹ سے درخواست کی تھی کہ پولیس شہدا  کے گھرانوں  سے ملنے کی خواہش ظاہر کی تھی۔

سابق کپتان کا کہنا تھاکہ بلوچستان اور کے پی پولیس نے ملک کی خاطر بہت قربانیاں دی ہیں ۔

انہوں نے مزید کہا کہ  بلوچستان بہت خوبصورت صوبہ ہے ، سورہ رحمن میں جن خوبیوں کا ذکر ہے وہ تمام نعمتیں بلوچستان میں ہیں ۔

شاہد آفریدی نے کہا کہ بلوچستان میں امداد کی بہت ضرورت ہے ۔ پاکستان کو پاؤں پر کھڑا کرنا ہے تو بلوچستان کو پاؤں پر کھڑا کرنا ہوگا۔

سابق کپتان نے کہا کہ کوئٹہ میں کرکٹ اکیڈمی کے لیے وزیراعلیٰ بلوچستان سے بات کروں گا۔