کورونا میں فکسنگ کی گونج عروج پر، 9 سال بعد ورلڈکپ دو ہزار گیارہ کے فائنل پر  انگلیاں اٹھنے لگ گئیں۔

تفصیلات کے مطابق سابق سری لنکن وزیر کھیل مہیند نندا نے بھارت اور سری لنکا کے درمیان ورلڈکپ دوہزار گیارہ کے فائنل کو فکسڈ قرار دے دیا ہے۔

غیرملکی میڈیا رپورٹس کے مطابق سابق سری لنکن وزیر کھیل نے الزام لگایا ہے کہ ورلڈکپ فائنل آئی لینڈرز با آسانی جیت سکتے تھے لیکن ایسا نہ ہوا۔

انہوں نے کہا کہ وہ کرکٹرز پر الزام نہیں لگا رہے لیکن کچھ عناصر اس میں ضرور ملوث تھے۔

دوسری جانب اس وقت فائنل میچ میں سری لنکن ٹیم کا حصہ مہیلا جے وردینے  اور کمار سنگا کارا نے الزامات کو مسترد کردیا ہے۔

جے وردینے نے سابق وزیر کھیل کے اس بیان کو انتخابات کے لئے حربہ اور سرکس قرار دیا ہے جبکہ سنگا کارا نے ثبوت آئی سی سی میں پیش کرنے کا مطالبہ کردیا ہے۔

اس سے قبل  سابق سری لنکن کپتان رانا ٹنگا بھی ورلڈکپ دوہزار گیارہ کے فائنل پر شکوک و شبہات کا اظہار کرچکے ہیں۔